Нұр-Сұлтанда МЖӘ бірінші инвестициялық форумы өтуде
Шағын қалалар мен ауылдарға шетелдік инвестицияларды қалай тартуға болады? Мемлекеттік жобаларға қатысудағы тәуекелдер қандай? Осы және көптеген басқа сұрақтар бүгін бірінші мемлекеттік-жекешелік әріптестік инвестициялық форумында астанада талқылануда, деп хабарлайды «Хабар 24» тілшісі.
Елена Устимович, хатшы:
- Осы сағатта іс-шараға ондаған инвесторлар келді. Бұл қаржыландырудың әрекет етуші, сондай-ақ, әлеуетті салымшылары. Олардың барлығы бүгін мемлекеттік-жекешелік әріптестіктің жаңа жүйесінің егжей-тегжейін талқыға салмақшы. Ол біздің мемлекет үшін жаңа, сондықтан, ол анық және үйлесімді қызмет етуі үшін, үлкен жұмыс жасау жоспарлануда. Шара қарсаңында Мемлекет басшысы Алматыда болған кезінде МЖӘ жүйесі бойынша білім беру және денсаулық сақтау саласындағы бір де бір жоба іске асырылмағанына ерекше назар аударды. Басқа өңірлерде әлеуметтік объектілер жетіспеушілігі проблемасы кәсіпкерлерді тарту арқылы шешілуде. Мектептер, балабақшалар, шағын орталықтар, амбулаториялар салынған, ауылда фельдшерлік-акушерлік орындар және басқалар ашылуда.
Мемлекеттік-жекешелік әріптестік форумы – жеке және мемлекеттік сектор өкілдерінің ашық сұхбат алаңы. Бүгін кәсіпкерлер оларды қызықтыратын көптеген сұрақтарға жауап алатындары күтілуде. Мысалы, сарапшылар әлеуметтік маңызды және ауқымды жобаларға қаржыландыруды қайдан табуға болатынын, шағын қалалар мен ауылдарға шетелдік инвестицияларды қалай тартуға болатынын, мемлекеттік жобаларға қатысудың тәуекелдері қандай екенін айтады. Белгілі спикерлер халықаралық тәжірибемен бөліседі.
https://24.kz/ru/news/economyc/item/351260-pervyj-investitsionnyj-forum-gchp-prokhodit-v-nur-sultane