Қазатомөнеркәсіп пен CGNPC АЭС үшін отын өндіруге $110 млн жұмсады
"Үлбі-ТВС" зауыты іске қосылды, ол ядролық реакторда жылу энергиясын алуға арналған жылу бөлетін құрастырмалар (ЖБҚ) – инженерлік құрылымдар шығаратын болады. Бұл туралы "Қазатомөнеркәсіптің" баспасөз қызметі хабарлады.
"Үлбі-ТВС" ЖШС-құрылтайшылары 51% үлесімен "ҮМЗ" АҚ ("Қазатомөнеркәсіп" ҰАК" АҚ еншілес компаниясы) және 49% үлесімен CGNPC-URC (China General Nuclear Power Corporation еншілес компаниясы) болып табылатын Қазақстан-Қытай бірлескен кәсіпорны.
"Біздің ел қосылған құны жоғары жоғары қайта өңделген уран өнімін өндіруге және өткізуге мүдделі. "Қазатомөнеркәсіп" жобасын шетелдік серіктестермен сәтті іске асыру АЭС үшін ядролық отын жеткізуші мемлекеттердің шектеулі тобына кіруді қамтамасыз етті",-деп атап өтті "Самұрық - Қазына" АҚ Басқарма Төрағасы Алмасадам Сәтқалиев.
"Жоба атом өнеркәсібіндегі әлемнің жетекші компанияларының табысты көпжақты кооперациясының жақсы мысалы болып табылады. Ғылымды қажетсінетін өндірісті ұйымдастыру біздің еліміз үшін атом саласындағы басқа мемлекеттермен ынтымақтастықты одан әрі дамыту бойынша жаңа мүмкіндіктер ашады", - деп хабарлады "Қазатомөнеркәсіп" басқарма төрағасы Мәжит Шәріпов.
Бір ТВС құрамында 264 твэл (жылу бөлетін элемент) бар. Твэлдер ұзын металл өзектер болып табылады, олардың қуысына "ҮМЗ"АҚ шығаратын отын таблеткалары орналастырылады. Осылайша, жаңа зауыт өз қызметімен қатар Үлбі металлургия зауытының қуатын "жүктеуге" мүмкіндік береді.
CGN компаниясы "Қазатомөнеркәсіп "ҰАК" АҚ-мен уран өндіру, табиғи уранды сату және таблетка өндіру саласында 2006 жылдан бері ынтымақтасып келеді. "Үлбі-ТВС" ЖШС зауытының құрылысы бойынша бірлескен жобаны іске асыру серіктестікті Тарихи жаңа деңгейге шығаруға мүмкіндік береді.