Кәсіпкерлікті қолдау Картасы аясында ШҚО-да бес жаңа жоба іске қосылады
Еліміздің шығысында биылғы жылы Кәсіпкерлікті қолдау картасы аясында 5 жаңа жоба жүзеге асырылады,- деп хабарлайды «Хабар 24» тілшісі.
Олардың барлығы Қазақстанның 2025 жылға дейінгі индустриялық-инновациялық даму бағдарламасына енгізілді. Олардың әрқайсысы озық технологиялары бар ең заманауи өндіріс болып табылады. Олар отандық нарықтың қажеттіліктерін қамтып қана қоймай, экспортқа да бағытталған.
Шемонаихада Рулиха ауылында желтоқсан айының басында жұмыс қызды. Бұл жерде 3 жыл бойы сүт-тауар фермасы салынып жатыр. Енді бұл жерге алғашқы «голштин-фриз асыл тұқымды сиырлары» әкелінді. Олардың әрқайсысының құны миллион теңгеден асады. Оларға деген үміт те баршылық. Осылайша, ауданда табиғи сүт өнімдерінің жекеменшік өндірісі пайда болады. Ал жобаны іске асыруға барлығы 2,5 миллиард теңгеден астам қаражат жұмсалмақ.
Серік Сағандықов, «Рулиха» ЖШС директоры:
- Алғашқы партия - 332 бас. Енді наурыз айында шамамен 150 бас мөлшерінде екінші партиясы жеткізіледі. Келесі жылдың күзіне қарай қалғандарын әкелетін боламыз. Қазір жоба бойынша 600 бастан тұрады. Болашақта біз 1200 басқа дейін көбейту жоспарда бар. Бізде 1200 бас сауылатын сауу залы бар.
Ауыл шаруашылығымен тағы бір өндіріс байланысты. Жармада, Ортабұлақ кен орнында әктасты қайта өңдеу зауыты салынды. Өнім құрылысқа арналған, мысалы, әктас және минералды ұнтақ. Соңғысы асфальтқа қосымша ретінде қолданылады. Бірақ әктасты ұн өсімдік шаруашылығындағы тыңайтқыштарға және малға арналған кальцийлі қосымша азық. Бұл индустрияландыру бағдарламасы жобаларының бір бөлігі ғана.
Ольга Григорьева, ШҚО Кәсіпкерлік және ИИД басқармасы басшысының м. а.:
- 400-ден астам жұмыс орны ашылады. Мысалы, Күршім ауданында тау-кен байыту комбинаты салынды. Алтай ауданында майлы дақылдарды сақтауға элеваторы бар. Өскемен қаласында жылу бөлетін құрамалардың бірегей өндірісі іске қосылады. Оның барлық өнімі тек экспортқа шығарылатын болады.
Жалпы, 5 жыл ішінде өңірде жалпы құны 660 миллиард теңге болатын 33 жобаны жүзеге асыру жоспарланған. Жаңа өндірістерде 11 мыңнан астам жұмыспен қамтылады деп жоспарланып отыр.
Авторлары: Анель Есенбердина, Жігер Бабаканов