Қазақстанның шығысында ірі мал бордақылау алаңы ашылады
Ауылды дамыту - өндірушілерге қаржылық қолдау көрсету арқылы жүзеге асырылады. Қазақстанның шығысында еліміздегі ең ірі мал бордақылау алаңдарының бірі ашылады. Экспортқа балық шығару жобасы да жүзеге асырылуда, деп хабарлайды «Хабар 24» тілшісі.
Осының барлығы «ҚазАгро» Ұлттық басқарушы холдингінің Аграрлық несие корпорациясының жеңілдікті бағдарламалары арқасында мүмкін болды. Корпорация жалпы сомасы 273 миллион теңгеге жуық 298 инвестициялық жобаны қаржыландырды.
«Елім-Ай Көкпекті» Агроөнеркәсіптік кешені - өңірді дамытудың нағыз драйвері. Мемлекеттік қолдау шараларының арқасында облыста 5 мың ірі қара малға арналған бордақылау алаңы пайдалануға беріледі. Өндіріс ауыл тұрғындарына жұмыс орындарын ұсынады, кіші шаруашылық серіктестерінің дамуына көмектеседі. Ал қазір олардың саны 300-ден асады.
Болат Бекбердинов, «Елім-Ай Көкпекті» кешенінің басшысы:
- Бұл біздің ойлағанымыздай, өңірді дамытуға бағытталған өңірлік жоба. Бұл шағын фермерлік шаруашылықтарды дамыту. Олардың малын тапсыруға қолайлы. Ол жерде де жұмыс орындары ашылуда. 100 сиырды ұстау үшін бұл кем дегенде 3 жұмыс орны.
Жылына 10 мың басқа дейін сатып алу жоспарда бар! Бордақыланғаннан кейін ет шетелдік нарықтарға экспортталады. Жобаның құны миллиард теңгеге жуық. Оның 600 миллионы – аграрлық несие корпорациясынан алынған қарыз. Оның басты артықшылығы - төлемдер бойынша нарықтық және жеңілдікті кезеңнен төмен мөлшерлеме.
Ербол Кубентаев, ШҚО бойынша аграрлық несие корпорациясы филиалының директоры:
- Бұл ретте ауыл шаруашылығы тауарын өндірушілердің айналасындағы инфрақұрылым да дамып келеді. Ауылдар жаңғыртылуда, жаңа жұмыс орындары пайда болуда.
Самар ауылында тағы бір жоба - құнды балық тұқымдарын өсіру шаруашылығы белсенді дамуда. 50 миллион теңгенің жеңілдетілген несиесі арқасында шағын цех ауқымды өндіріске айналды.
Бақыт Мубаракова, «Кузьмич» ЖШС директорының орынбасары»:
- Біз балықты мұздату үшін тоңазытқыштар, тоңазытқыш жабдықтар сатып алдық. Бұл ең негізгі фактор. Біз Ресей, Қытай, Әзірбайжан және Грузияға экспорттаймыз.
Мемлекет пен бизнес елдің экспорттық әлеуетін дамыта отырып, азық-түлік қауіпсіздігін бірлесіп қамтамасыз етуде.
Авторлары: Анель Есенбердина, Жігер Бабақанов