Словак кәсіпкерлеріне Қазақстанның инвестициялық мүмкіндіктері таныстырылды
15-ші «Globsec» халықаралық форумына қатысу шеңберінде Қазақстанның Сыртқы істер министрі Мұхтар Тілеуберді Словакияның Сыртқы және еуропалық істер министрі Иван Корчок және Қорғаныс министрі Ярослав Надьпен келіссөздер жүргізді, деп хабарлайды ведомствоның баспасөз қызметі.
Тараптар қарым-қатынастың жаңа кезеңіндегі, яғни, Қазақстан және Еуропа одағы мен оған мүше мемлекеттер арасындағы кеңейтілген серіктестік пен ынтымақтастық туралы келісім шеңберіндегі серіктестікті кейінгі үдету мен кеңейтуге өзара дайындық білдірді.
СІМ басшылары БҰҰ және ЕҚЫҰ мен сауда-экономикалық серіктестік шеңберіндегі екі жақты және көп жақты тректердегі саяси сұхбатты нығайту жолдарын талқылады. Сұхбаттастар экономикалық және ғылыми‑техникалық ынтымақтастық жөніндегі үкіметаралық комиссияның (ҮАК) белсенді қызметін, екі мемлекет арасындағы іскерлік кеңесті құру және бизнес-делегациялармен алмасу идеясын қолдап, мұндай өзара әрекеттесудің үлкен және соңына дейін іске асырылмаған әлеуетін атап өтті. Одан басқа, тараптар KazAID және SlovakAID дамуына көмек агенттіктері арасындағы ынтымақтастықтың болашағын белгіледі.
Қорғаныс министрі Я. Надьпен кездесуде сұхбаттастар құқықтық негізін сәйкес үкіметаралық келісім қамтамасыз ететін әскери және әскери‑техникалық ынтымақтастықты талқылады. Қазақстандық бітімгерлерді дайындау саласындағы тәжірибе алмасу, олардың БҰҰ аясындағы бітімгерлік операцияларға қатысуын кеңейту мәселелері қарастырылды. Сондай-ақ, қорғаныс ведомстволарының және компанияларының басшылары келесі жылдың наурыз және маусым айларында Братиславада және Нұр-Сұлтанда өтуі тиіс IDEB 2021 және KADEX 2021 қаруландыру және әскери техника мамандандырылған көрмелеріне қатысуға өзара шақырылды.
Сонымен бірге, Министр М. Тілеубердінің ірі словак компанияларының басшыларымен кездесулері өтті, олардың барысында кәсіпкерлер Қазақстанның инвестициялық мүмкіндіктерімен таныстырылды. Қазақстан нарығында бүгінгі күні словак капиталының қатысуымен 40 артық кәсіпорынның жұмыс істейтіні белгілі, ол екі елдің іскерлік топтарының өзара қызығушылығының маңызды индикаторы болып табылады.
Экономикалық өзара әрекеттесудің болашақты бағыттары ретінде машина құрастыру, қорғаныс индустриясы, инжиниринг және инфрақұрылымдық даму, агроөнеркәсіптік кешен, фармацевтика, алдыңғы қатарлы цифрлық технологиялар және оларды Индустрия 4.0 құру барысында енгізу белгіленді.
Шартты‑құқықтық негізді жетілдіру және ҮАК шешімдерін жүзеге асыру шеңберінде сапар барысында сәйкес ведомстволардың ынтымақтастығы туралы бір қатар меморандумдарға қол қойылды. Оның ішінде, тараптар су және орман шаруашылығы, сондай-ақ, туризм облысында өзара тиімді негізде қызметтес болады.
Қазақстанның сыртқы саяси ведомствосы басшысының Братиславаға сапары сауда-экономикалық ынтымақтастықты дамыту мен саяси сұхбатты нығайтудың жаңа жолдарын бірлесіп іздеудің мүмкіндігін ұсынып, екі елдің арасындағы серіктестіктің жаңа кезеңін білдірді.
Екі күннің ішінде өткен «Globsec» форумында СІМ басшысы сондай-ақ Болгарияның премьер-министрінің орынбасары және сыртқы істер министрі Екатерина Захариевамен, Түркияның сыртқы істер министрі Мевлют Чавушоглумен және Украинаның сыртқы істер министрінің бірінші орынбасары Эминэ Джапаровамен келіссөздер өткізді. Министр М.Тілеуберді БҰҰ Ливан бойынша Арнайы үйлестірушісі Ян Кубишпен кездесіп, ҚР Президенті Қ. Тоқаевтың БҰҰ Бас ассамблеясының 75-ші сессиясындағы бастамаларын талқылады.
Мазмұнды кездесулер барысында екі жақты және көп жақты ынтымақтастық, коронавирус пандемиясына қарсы бірлескен күрес және БҰҰ, ЕҚЫҰ, АӨЫСШК, ИЫҰ және Түркі тілдес мемлекеттердің ынтымақтастық кеңесі тәрізді халықаралық ұйымдар шеңберіндегі өзара әрекеттесуді нығайтудың өзекті мәселелері талқыланды.