«ALTYN BARYS» және «KÚMIS BARYS» Ұлттық Банк айналымына инвестмонеталар шығарды
Қазақстан Республикасының Ұлттық Банкі 2020 жылдың 17 тамызында 10, 20, 50, 100, 200 және 500 теңгелік номиналдарында алтыннан және 1, 2, 5 және 10 номиналдарында күмістен «2020 жылғы бедерімен «ALTYNBARYS» және «KÚMISBARYS» монеталарын айналысқа шығарады,-деп хабарлайды қаржы реттеушісінің баспасөз қызметі.
«ALTYN BARYS» және «KÚMIS BARYS» инвестициялық монеталарының дизайнында мемлекеттік тілдегі монеталардағы жазулар өзгертіліп, мүсіндік бейнелер жетілдірілді.
Инвестициялық монеталар - бұл жоғары сынамадағы жоғары сапалы 999.9 алтын және күміс монеталар. Олардың шығарудың басты мақсаты - инвестициялау және қаражат жинақтау.
Бүгінгі таңда инвестициялық монеталардың бірнеше ірі брендтары бар - «Крюгеранд» (Оңтүстік Африка), «Американдық бүркіт» (АҚШ), «Вена филармониясы» (Австрия), «Панда» (Қытай), «Үйеңкі жапырағы» (Канада).
Алғашқы қазақстандық «ЖІБЕК ЖОЛЫ» («Шелковый путь») инвестициялық монеталары 1996 жылы шығарылды. 2009 жылдан бастап дизайнының өзгеруіне байланысты әр түрлі салмақтағы сипаттамаларымен «АЛТЫН БАРЫС» және «КҮМІС БАРЫС» инвестициялық монеталары шығарыла бастады.
Инвестициялық монеталардың ерекшеліктері:
- шектеусіз тираж;
- «proof» технологиясын қолданбай дайындалған;
- монета жасалған металдың құны мен салмағына байланысты кіріс алу;
- қандай қалыпта болғанына қарамастан (сызаттар, зеңжар және т.б.) Сату-сатып алу ережелеріне сәйкес, Ұлттық Банкпен қайта сатып алуға қабылданады, себебі сатып алу монета құрамындағы металдың салмағымен есептеледі;
- қосымша құн салығы салынбайды.
Барлық номиналдардағы алтын мен күмістен жасалған инвестициялық монеталар барлық төлем түрлері бойынша, сондай-ақ банктік шоттарға қабылдау және аудару үшін Қазақстан Республикасының барлық аумағында тұрақты құны бойынша міндетті түрде қабылдануы тиіс және Қазақстан Республикасының барлық банктерінде шектеусіз айырбасталады және ұсақталады.
«ALTYN BARYS» және «KÚMIS BARYS» инвестициялық монеталары Қазақстанның Қазақстандық монета сарайында жасалған.