Аграрийді қолдауға қосымша 100 миллиард теңге бағытталады
Көктемгі дала жұмыстарының мәселелері Үкімет пен әкімдіктердің ерекше бақылауында болуы тиіс. Бұл туралы мемлекет басшысы Қасым-Жомарт Тоқаев елдегі төтенше жағдайлар және экономика мен әлеуметтік саладағы дағдарысқа қарсы шаралармен байланысты мәлімдемемен республикалық арналарда сөйлеген сөзінде айтып өтті, деп хабарлайды Kapital.kz іскерлік ақпарат орталығының тілшісі.
«Азық-түлік қауіпсіздігі тұрғысынан қазір өте маңызды кезең», - деп санайды мемлекет басшысы.
Сонымен қатар, көктемгі дала жұмыстарын уақтылы жүргізу өте маңызды.
«70 миллиард теңге бюджеттен бөлініп, «Аграрлық несие корпорациясы» АҚ арқылы фермерлерге жеткізіледі. Соңғы қарыз алушылар үшін мөлшерлеме 5%-дан аспайды. Осы мақсаттарға «Қарапайым заттар экономикасы» бағдарламасы аясында қосымша 100 миллиард теңге бөлуді тапсырамын. Осы бағдарлама аясында ақырғы мөлшерлеме барлық салалар бойынша сәйкестендірілді және 6%-ды құрайды. Бірінші кезекте шағын және орта шаруа қожалықтарын қолдау қажет», - деді мемлекет басшысы.
Сондай-ақ, Президент Үкімет алдында ауылшаруашылығы өнімдерін өндірушілерге дизель отынының құнын литріне 165 теңгеге немесе нарықтық бағадан 15%-ға дейін төмендетуді міндет етіп қойды.
«Ол үшін жеңілдетілген баға бойынша шамамен 390 мың тонна дизель отыны бөлінеді. Мен арзан отын соңғы алушыларға - фермерлерге жетуі керек екенін атап көрсетемін. Отынмен қамтамасыз ететін «операторлардың» жұмысы толығымен ашық болуы тиіс. Үкімет пен Бас прокуратура аймақтарға тиісті мен бақылау мен қадағалауды қамтамасыз етулері тиіс», - деп атап өтті Қасым-Жомарт Тоқаев.