Қазақстанда 60 астам ірі голландиялық компания ұсынылған
Нидерланды Қазақстанға тікелей инвестиция жұмсау көлемі бойынша «бірінші» инвестор болып табылады. Өткен жылдың 3 тоқсанында екі ел арасындағы екі жақты тауар айналымы 4 миллиард АҚШ долларынан асты, деп хабарлайды «Хабар 24» хатшысы.
Экономикалық серіктестіктің соңғы 15 жылында біздің елімізге Корольдіктен тікелей инвестициялар ағыны 90 миллиард доллардан асты. Қараша айында Гаагада Нидерланды-Қазақстан Бизнес қауымдастығы жұмысын қайта бастады. Биылғы жылдағы екі жақты экономикалық бірлестіктің бірінші отырысында кәсіпкерлер мен дипломаттар осы жылға арналған ынтымақтастық жоспарларын салыстырып тексерді.
Қазақстан Нидерландыға шикі мұнай мен мұнай өнімдерін, ферроқорытпаларды, титан мен титаннан жасалған бұйымдарды экспорттайды. Импортталатын өнім – дәрілік заттар, машиналар мен жабдық, жоғары технологиялы құралдар мен құрылғылар және ауыл шаруашылық өнімі. Бүгінде Қазақстанда 800 астам бірлескен кәсіпорын қызмет етеді. Былтырғы жылдың күзінде қазақстандық премьер Асқар Маминнің Нидерландыға сапары барысында сауда-экономикалық өзара әрекеттесудің жаңа жоспарлары талқыланды.
ҚР Нидерландыдағы елшісі Мағжан Ільясов:
- Шикізаттық емес салалар – ауыл шаруашылығы, көлік, логистика, ақпараттық технологиялардағы сауданы дамытуға ерекше мән берілді. Бүгінгі шараның мәні – осы салалардағы ынтымақтастыққа шақыру. Сондықтан мұнда осы жаңа салаларда жұмыс істеуге мүдделі голландиялық кәсіпкерлер келді, қызығушылық танытты, көп сұрақтар қойды.
Нидерланды Корольдігінің ҚР-дағы елшісі Андре Карстенс:
- Біздің арамыздағы ынтымақтастық өте тығыз әрі позициямыз айтарлықтай, алайда, бұл тек басы ғана. Мысалы, агромәдениет саласында және бір уақытта күн, жел энергиясын дамытуда өте маңызды.
Нидерланды – Қазақстан экономикасындағы ең ірі инвестор. Голландиялық компаниялар біздің елімізде тәуелсіздіктің алғашқы жылдарынан бастап жұмыс істеуде. Бүгінгі инвесторлардың жергілікті серіктестермен жұмыс жасауға мүдделілігі артуда.
«Грин Капитал Казахстан» Компаниясының Басшысы Дирк Алевен:
- Біз Ақтөбеге инвестиция салуды 2017 жылы бастадық, бұл өңірдің экономикасына 30 миллион еуро жұмсадық. Жуырдағы екі жылдың ішінде тағы осындай соманы жұмсауды жоспарлаудамыз. Біз осы өңірде тағы 10-20 жыл қалуды қалаймыз және Қазақстаннан кетуге ешқандай себебіміз жоқ. Ақтөбеде жеткілікті көлемде табиғи газ, бизнес жүргізу үшін жақсы мүмкіндіктер, Ресей нарығына жақын орналасу және суық болса да, шуақты күндері көп, жылыжай бизнесі үшін жағымды климат бар.
Нидерланды – Еуропаның логистикалық порты. Қазақстан болса Орталық Азияның көлік хабына айналуда. Бұл тығыз ынтымақтастық үшін үлкен мүмкіндіктер ұсынады, - деп санайды Нидерланды-Қазақстан Бизнес қауымдастығының тең төрағасы. Бүгінгі күні Қазақстанда 60 астам ірі голландиялық компания ұсынылған. Олардың көпшілігі – бірлескен кәсіпорындар, себебі жергілікті серіктестермен бірге жұмыс жасау әрқашан үздік нәтиже береді.
Нидерланды-Қазақстан Бизнес қауымдастығының тең төрағасы Хенк Нибур:
- Қазақстанда бүгін экономика дамуының бес басымдығы бар, олардың бірі – агросекторды дамыту. Нидерланды – ауыл шаруашылық өнімінің әлемдегі екінші экспорттаушысы, біздің ауыл шаруашылығы өте өнімді және кеңейіп, шетелде жұмыс істеуге ниетті бұл саладағы инвесторлар өте көп. Олардың технологияларын пайдалану арқылы Қазақстан ауыл шаруашылық өнімінің әлемдік өндірушісіне айнала алады.
Ақпан айында Роттердамда Қазақстан мен Өзбекстанның энергетикалық мүмкіндіктерін таныстыру бойынша конференция өтеді, онда екі орталық азиялық республиканың және Нидерландының бейінді министрліктері мен бизнесінің өкілдері кейінгі инвестициялық өзара әрекеттесудің болашағын талқылайды.
Авторлары: Жанат Эрнст, Жомарт Ахметов