Тоқаев инвестициялауға кедергі жасау үшін жеке жауапкершілік белгілеуге шақырды
Бүгін біздің еліміз – Орталық Азия өңірінің жетекші мемлекеттерінің бірі. Дамыған елдер тұрғысынан кеңес одағынан кейінгі елдер арасында біз біріншілер қатарындамыз. Тұрақты экономикалық өсімсіз бұл мүмкін болмас еді.
Инвестициялар, экспорт және индустрияландыру – экономиканы әртараптандыру мен экономикалық өсімді қамтамасыз етудің басты факторлары. Заманауи қарқындар өте жылдам. Мемлекеттің және кәсіпкерліктің, орталық пен өңірлердің жұмысын үйлестіру қажет.
Қазақстан шетелдік инвестицияларды тарту үшін жағымды климат құруда. Ең алдымен, біз әлеуетті инвесторлар үшін жағдай жасауымыз керек. Оның ішінде, шетелдік инвесторларға жер телімдерін бөлуге, оларды инженерлік және электр желілеріне қосуға, әр түрлі рұқсаттар алуға қатысты айтарлықтай тосқауылдар бар.
Мәселені жылдам шешудің орнына – бюрократия. Салдарында, бір қатар облыстардағы әкімшілік тосқауылдар мен жасанды шектеулер іскерлік белсенділікті арттыруға жол бермейді. Әлеуетті инвестор мұндай жағдайда басқа елді таңдауға мәжбүр.
Бұл шетелдік қана емес, отандық инвесторларға да қатысты. Үкіметке және әкімдерге бұл мәселені жылдам шешу жолын қарастыруды тапсырамын. Инвестициялауға кедергі жасайтын кез келген лауазымды тұлғаның жеке жауапкершілігі қарастырылуы тиіс.
2019 жылы тікелей инвестициялар қоры құрылды. Елбасының шешімі бойынша Ұлттық қордан 370 млрд. теңге көлемінде қаражат бөлінді. Егер қор тиімді жұмыс жасаса, 2019 жылы айтарлықтай нәтижелерге қол жеткізу мүмкіндігі бар.
Елде тартылған инвестициялар және шикізаттық емес экспорт көлемі министрлер мен әкімдер қызметін бағалаудағы шешуші көрсеткішке айналады.