Сеулде Қазақстанның инвестициялық аптасы аяқталды

Қазақстанның инвестициялық аптасының қорытындысы бойынша ынтымақтастық туралы шамамен ондаған меморандумға қол қойылды.

Жүзге жуық екіжақты кездесулер өткізілді. Қазақстан-Корея бизнес-форумы екіжақты қарым-қатынас тарихындағы ең ауқымдысы болды – оған төрт жүзге жуық ажам қатысты.

Отандық мемлекеттік-жекеменшік әріптестік орталығы көпбейінді медициналық мекемелер салу мен басқару үшін инвесторлар тарту жөнінде мәмілеге жасады. Негізінен, Алматыдағы Асфендияров атындағы аурухана мен Қарағанды медициналық университеті жанындағы клиника жобасы әзірленуде. Сонымен қатар, кореялық әріптестер ақылы жолдарды енгізу бойынша тәжірибе ұсыну туралы келісім жасалды. Олардың Оңтүстік Кореядағы аумағы 6 мың километр және тағы 4 мың километр жолды салу жоспарланып отыр.

Ерлан Жакин, Қазақстанның МЖӘ орталығының вице-президенті:

- Жақында ғана БАКАД жобасының концессиясы туралы келісімшартқа қол қойылды. Кореялық тараппен біздің ынтымақтастық тәжірибеміз алдағы жобалар үшін маңызды және үлкен рөл ойнады. Яғни, бүгінгі күні оңтүстік кореялық компаниялар Қазақстанның сенімді заңнамасы бар екенін, МЖӘ жобаларын дамытудың берік тұғырнамасы бар екенін көріп отыр.

Кайрат Нұртаев, «ҚазАвтоЖол» ҰК» АҚ ақпараттандыру жөніндегі басқарушы директоры:

 - Ағымдағы жылы біз тағы екі жол ашуды жоспарлап отырмыз. Бұл Астана – Теміртау және Алматы – Қапшағай. Болашақтағы біздің мақсатымыз – барлық республикалық жолдарды қамту. Шамамен 15 мың километр жол да ақылы түрде болады. Сондықтан, оларды енгізу тәжірибесі біз үшін өте пайдалы болады.

Источник: http://24.kz/ru/news/economyc/item/235297-investitsionnaya-nedelya-kazakhstana-zavershilas-v-seule