ШҚО кәсіпкерлерінің назарына

2022 жылғы 3-7 қазан аралығында «Астана» халықаралық қаржы орталығында (бұдан әрі - АХҚО) «Халықаралық инвесторлар аптасы» (World Investor Week-2022 – WIW-2022) өтеді.

Жыл сайын Бағалы қағаздар жөніндегі комиссиялардың халықаралық ұйымының (бұдан әрі - ІОЅСО) қамқорлығымен өткізілетін Халықаралық инвесторлар аптасына әлемнің 100 елінің қаржы реттеушілері қатысады. IOSСО қор нарығының реттеушілерін біріктіретін халықаралық ұйым болып табылады. АХҚО-да WIW-2022 іс-шаралары вебинарлар және панельдік пікірталастар түрінде гибридті форматта өтеді. Іс-шараларда АХҚО сарапшылары, сондай-ақ қаржының түрлі салаларындағы шақырылған отандық және шетелдік сарапшылар спикер болады.

Іс-шаралардың негізгі мақсаттары:

- инвесторларды оқытуға және қорғауға жәрдемдесу;

- тұтынушыларды қорғау және инвестициялау тәуекелдері туралы хабардарлықты арттыру;

- саналы инвестициялау туралы ақпарат беру арқылы қаржылық білім беруге жәрдемдесу және қаржылық сауаттылықты арттыру;

- қаржы нарықтарындағы инновацияларды талқылау (бағдарлама жобасы қоса беріледі).

Толық ақпарат және іс-шараға тіркелу мына сілтеме бойынша қолжетімді: https://aifc.kz/ru/events/2022-world-investor-week-in-aifc/.

Барлық сұрақтар бойынша мына нөмірге хабарласу: 8 (7172) 61 3767 - Сәуле Талғатова.

Программа Международной недели инвесторов 2022 г. в МФЦА