Мемлекет басшысы Еуропа қайта құру және даму банкінің Президентімен кездесу өткізді
Қасым-Жомарт Тоқаев Шетелдік инвесторлар кеңесінің 34-ші отырысына қатысу үшін Қазақстанға келген Еуропалық қайта құру және даму банкінің Президенті Одиль Рено-Бассомен кездесу өткізді.
Тараптар елімізде инфрақұрылым, транзиттік тасымалдау, экономика мен қаржы секторын декарбонизациялау салаларындағы бірқатар инвестициялық жобаларды іске асыру перспективаларын талқылады. Сонымен қатар, әлемдік экономиканы дамытудың өзекті мәселелері бойынша пікір алмасылды.
Одиль Рено-Бассо Қасым-Жомарт Тоқаевты жалпыұлттық референдумның табысты өтуімен құттықтап, оның нәтижелері шетелдік инвесторлардың елімізге деген сенімін одан әрі нығайтатынын атап өтті.
Ол сондай-ақ Қазақстанның экономикасының дамуы мен қаржы жүйесін нығайту перспективалары туралы ойымен бөлісті.