Стратегиялық серіктестік: Schneider Electric қазақстандық өндірісті қалай дамытуда
Қазақстан экономикасының негізгі басымдықтарының бірі - бұл жергіліктендіру. Бұл процесс өндірісті одан әрі дамыту және қосымша құнды арттыру мәселелерін шешуде маңызы зор.
Халықаралық ойыншылар үшін жергіліктендіру аймақтағы нарықта өз позицияларын нығайтуға, жұмыс орындарын құруға және өз жабдықтары базасында мамандардың кәсіби сараптамасын арттыруға мүмкіндік береді. Бұл процесс жергілікті кәсіпорындарға өздерінің бәсекеге қабілеттілігін арттыруға, құзыреттілік жиынын кеңейтуге және сайып келгенде аймақтағы көшбасшы позициясын иеленуге мүмкіндік туғызады.
Schneider Electric компаниясы - аймақтағы өнеркәсіптік жабдықтар өндірісі саласындағы негізгі ойыншылардың бірі және Қазақстан нарығын дамытып, жергілікті кәсіпорындармен ынтымақтастықты нығайтуды жалғастыруда.
Өзара іс-қимылдың жақсы мысалдарының бірі - «ДИМ Строй» ЖШС-мен бірлескен жұмыс. 2019 жылы компаниялар Altivar Process Modular қуаттылығы жоғары модульдік жиілік түрлендіргіштер өндірісі туралы келісімге қол жеткізді.
Жиілік түрлендіргіштер - бұл технологиялық процесті нақты басқаруға қажетті элемент қана емес, сонымен қатар кәсіпорынның энергия тиімділігінің негізгі құрамдас бөлігі болып табылады. Үнем 30% ға дейін жетуі мүмкін.
Қазақстандағы Schneider Electric компаниясының бас директоры Лев Аппаковтың айтуынша, «ДИМ Строй» өте мықты кадрлық және технологиялық әлеуетке ие және Altivar Process Modular өндірушілерінің рөліне сай келді. 2020 жылы наурызда «ДИМ Строй» өндірістік алаңы аудиттен өтіп, серіктестік мамандары қажетті дайындықты аяқтады.
- Қазақстан - ТМД аймағы үшін ғана емес, сондай-ақ Schneider Electric-тің жалпы әлемдік сатылым көлеміндегі негізгі нарық болып табылады. Біз Қазақстан экономикасына сенеміз және серіктестеріміздің мықты желісінсіз даму мүмкін емес деп ойлаймын. Бірлескен жұмыста біз озық әлемдік тәжірибені енгізуге тырысамыз және тек іргелі өзара қарым-қатынасқа дайынбыз»,- деп түсіндірді Лев.
Стратегиялық серіктестік және жиілік түрлендіргіштердің сәтті өндірісі туралы «ДИМ Строй» ЖШС директоры Вячеслав Мусоров айтып өтті.
«Біз Schneider Electric-ке икемділігіне, баға санатына және сапасына қарап үміт арттық. Бір жыл бұрын біз энергетика саласындағы ең негізгі және технологиялық өнімдердің бірі - жиілік түрлендіргіштерді шығаруға қабілетіміз бен ниетіміз бар екенін түсіндік. Өндіріс алаңы Schneider Electric-тің қатаң талаптарына сәйкес келтірілді, ал қызметкерлер Schneider Electric мамандарында оқытылды. Мұның бәрі бізге CT-KZ* сертификатын алуға мүмкіндік берді. «Атамекен» ҰКП-да сертификаттауды өткізу жоспарда бар. Бұл сертификат біздің ұлттық компанияларымызға жеткізілімдер үшін жеңілдіктер береді,- деп атап өтті Вячеслав Мусоров.
Отандық ірі компаниялар, соның ішінде KAZMinerals және Кеден одағы елдері қазірдің өзінде қазақстандық Schneider Electric жабдықтарын қолданады.
- KAZMinerals-пен қызықты жағдай болды: кеніште бір жоба үшін төрт қуатты жиілікті түрлендіргіш қажет болды. Егер бізде қойма мен құрастыру дағдылары болмаса, жабдықты шетелдік үлкен компанияларға тапсырыс беретін едік, ал жеткізу мерзімі екі айға дейін созылар еді. Біз бұл мәселені Өскеменде қалыптасқан өндірістің арқасында бір апта ішінде шештік. Жабдықтарды жеткізу кеніштің өнімділігі мен жұмысы үшін өте маңызды болды, - деп Вячеслав Мусоров мысалмен бөлісті.
Сонымен қатар, Вячеслав Schneider Electric тәрізді алпауыттармен ынтымақтастық Қазақстанның кәсіпорындарына отандық өнімдердің көмегімен жаңа деңгейге шығуға мүмкіндік беретіндігін баса айтты.
- Өкінішке орай, біз өзімізде көп өнім өндіре алмаймыз, дегенмен бізде үлкен мүмкіндіктер бар. «ДИМ Строй» компаниясы жергілікті өнеркәсіптің дамуына үлес қосқысы келеді. Біздің компания өндірісті жергіліктендіруге және көптеген қазақстандық мамандарға жаңа жұмыс орындарын құруға баса назар аударды. Біз өзіміздің мысты сатып аламыз және өзіміздің станоктарда жұмыс істейміз. Қазақстанда өнім Еуропа мен Азияның кейбір дамыған елдеріне қарағанда жоғары қосымша құнмен жасалады деп айтуға болады,- деп қосты Вячеслав Мусоров.
Компанияның Schneider Electric-пен серіктестігі кәсіпорынның дамуына жаңа серпін берді. Қазақстанның қалаларында, сондай-ақ Орталық Азия елдерінде «ДИМ Строй» кәсіпорнының филиалдарын ашу жоспарда бар.
«Schneider Electric бізге жиілік түрлендіргіштерді өндіруді сеніп тапсырғанына өте қуаныштымыз. Біз шынымен де ұзақ мерзімді перспективада өте маңызды стратегиялық серіктестерге айналдық,- деп қорытындылады Вячеслав Мусоров.
Лев Аппаков Schneider Electric-тің еліміздің экономикасына әрдайым барынша ықпалдастық көрсетуге ұмтылатынын айтты, нарықта 20 жылдан астам уақыт сапа мен сенімділіктің үлгісі болып табылатын кәсіпорын жабдықтары сұранысқа ие.
Schneider Electric - энергияны басқару және өнеркәсіпті автоматтандыру саласында цифрлық шешімдер ұсынатын әлемдік сарапшы. Компания энергетика мен инфрақұрылымға, өнеркәсіптік кәсіпорындарға, азаматтық және тұрғын үй құрылыстарына, сондай-ақ деректерді өңдеу орталықтарына арналған кешенді энергиялық тиімді шешімдерді жетекші орындағы әзірлеуші және жеткізуші болып табылады. Әлемнің 100 елінде Schneider Electric-тің офистары және 200-ден артық зауыттары бар.
*CT-KZ сертификаты - бұл тауардың Қазақстан аумағында өндірілгенін немесе өңделгенін растайтын құжат. Аталмыш сертификат ішкі пайдалануға арналған, мысалы, жер қойнауын пайдаланушылардың сатып алуларына немесе мемлекеттік сатып алуларға қатысу кезінде қолдануға арналған