Ханс-Пол Бюркнер: «Адамдар өз болашағын Қазақстанмен байланыстырғаны өте маңызды»
Boston Consalting Group (BCG) Директорлар кеңесінің төрағасы Ханс-Пол Бюркнер Қазақстан «үкіметтің, жеке сектордың, бүкіл қоғамның күш-жігері арқасында үлкен прогреске қол жеткізді» деп санайды. Дегенмен, оның пікірінше, «барлық адамдар - жастар да, қарттар да өз болашағын Қазақстанмен байланыстыруы маңызды элементтердің бірі болып табылады. Олар өздерінің идеяларын жүзеге асыру үшін Лондонға немесе Сингапурға баруды армандамауы қажет».
«Адамдар өздерінің мүмкіндіктерін қолданыстағы компанияларда, жаңа стартаптарда көруі керек. Оларды пайдалана білуі қажет. Мүмкін, олар қателіктер жіберуі мүмкін, бірақ ең бастысы, идеяларын жүзеге асыру үшін мүмкіндіктері болуы керек және барлық идеялары шындыққа айналуы тиіс», - деген пікір білдірді KGIR-2019 пленарлық отырысында, BCG Директорлар кеңесінің төрағасы Ханс-Пол Бюркнер.
BCG басшысының айтуынша, экономиканы жаңа және ескіге бөлу дұрыс емес. «Мен ең алдымен, экономиканы ескіге және жаңаға бөлуден бас тартуға кеңес бергім келеді. Жалпы экономика туралы айту керек. Тек цифрландыру туралы ғана емес, жалпы, технология туралы айтуымыз қажет. Бұрын технология барлық салаларға, экономиканың барлық салаларына, барлық компанияларға және барлық өмірімізге әсер етті. Сондықтан, экономиканың ескі және жаңа деп бөлінуі шынында дұрыс емес», - деп санайды Ханс-Пол Бюркнер. Пленарлық мәжілісте сөйлеген сөзінде ол экономиканы бөлмей, қолдағы бар мүмкіндіктерді экономиканың барлық секторларында пайдалану қажеттігін ойлануға кеңес берді. «Бізге аналитика деректерін, цифрландыру нәтижелерін қалай пайдалану керектігін ойластыру керек. Бүгін біз блокчейн, криптовалюта туралы естідік. Электронды сауданы, қандай да бір платформаларды, танысу сайттарын ғана емес, біздің жұмысымызды қалай жақсарта алатынымызды түсіну қажет. Басты міндет, атап айтқанда, Қазақстанда, сондай-ақ, Қазақстанда ғана емес, Еуразиялық экономикалық аймақта да, жалпы Еуразияда не істеу керек, мен тек қана Қазақстанды ойластыру жеткіліксіз деп ойлаймын, сіздерде ресурстық сектор – мұнай мен газ, тау-кен және металлургия, мұнай-химия, ауыл шаруашылығы, цемент, болат өндірісі, қызмет көрсету салалары, логистика, құрылыс және қаржы қызметтері - экономиканың осы секторларының қалай түбегейлі өзгеретінін түсінуіміз керек»,-деп мәлімдеді BCG Директорлар кеңесінің төрағасы.
Ол бұл мәселеге «схоластикалық» түрде, яғни практикалық жағдайларға байланыссыз, жан-жақты тұрғыда қарау керек деп санайды. «Мұның бәрін схоластикалық тұрғыда қарау өте маңызды деп есептеймін. Ондаған жылдар бойы жұмыс істеп келе жатқан мемлекеттік компаниялар, МЖС компаниялар бар. Олар ҒЗТКЖ бастап, инжиниринг, логистика, әкімшілік мәселелер, қаржыландыру, сату және т.б. сияқты барлық құндылық тізбектерін ойластыруы керек. Ханс-Пол Бюркнер: «Негізгі қиындықтарды, проблемаларды табу, клиенттердің шағымдарын, кемшіліктерді, артық шығындарды, ресурстарды, энергияны үнемдеу, осы процестердің барлығын оңтайландыру қажет», - деп санайды.
Қазақстанның инвестициялық перспективалары мен мүмкіндіктеріне қатысты тоқтала отырып, Бюркнер «дөңгелекті қайта құрудың қажеті жоқ» деген пікірін білдірді. «Инвестициялық мүмкіндіктер - бұл Қазақстанның күш-жігері жететін мықты салалар. Бұл мұнай-газ секторы, бұл ауыл шаруашылығы, бұл туризм, көлік және логистика. Әрине, бұл жерде ешқай жерде жоқ нәрсені жасайық деп ойлаудың қажеті жоқ, әрине, бұл да қажет, бірақ біреуге еліктеген де жаман емес», - деді консалтингтік компаниясының басшысы.
Сонымен қатар, ол басты мәселе - білімге инвестиция жұмсау басты мәселе екенін атап өтті. «Мен сіздерге компанияның қандай екеніне қарамастан, ол үлкен немесе шағын немесе мемлекеттік болса да, сіз білімге және денсаулық сақтау саласына инвестиция салуыңыз керек», - дейді Ханс-Пол Бюркнер.
Көптеген компанияларда адамдар жаңа технологияларды қалай қолдану керектігін үйренуде. Компанияның барлық қызметкерлері, соның ішінде ұзақ уақыттан бері істеп келе жатқан адамдар, өз қажеттіліктерін сезініп, жаңа технологияларды енгізу үшін бірлесе жұмыс істейтіндей жағдай жасау керек. Үкіметте де осылай болуы тиіс.