Қазақстан әлемнің 143 елінің инвесторларын инвестициялық мүмкіндіктерімен таныстырды
Араб әлемі мен әлемдік ТҰК инвесторлары Қазақстанға инвестиция салуға шақырылды. Қазақстан Республикасының Үкіметі атынан елге инвестицияларды тарту және қолдау жөніндегі жалғыз келіссөзші болып табылатын «Казахинвест» компаниясы Дубайда өткен ірі инвестициялық Annual Investment Meeting іс-шарасы барысында Қазақстанның инвестициялық мүмкіндіктері мен инвестициялау үшін перспективалық салаларымен таныстырды, инвесторларға мемлекеттік қолдау шаралары туралы халықаралық инвестициялық бизнестен хабардар етті.
«KazakhInves» ҰК» АҚ-ның Басқарма Төрағасының орынбасары Рустам Исатаев басқарған делегация «Dubai Investments, Islamic Corparation forthe Development of the Private Sector, LuLu Group International, Jenaan, AlAhliHolding Group, Private Office H.H.Tahnoon Bin Saed Bin Tahnoon AlNahyan, Alfanar және ARABSKY, сондай-ақ Duwaya Investment, Medtronic, National Petroleum Construction Company, Almajdouie Investment Company, eResolute және Lilavati бірге бірқатар тұсаукесерлер мен кездесулер өткізді.
Кездесу нәтижесінде шетелдік компаниялар қазақстандық жобаларға инвестиция салу мүмкіндігін қарастыруға ниет білдірді және үлкен қызығушылық тудырды. Осылайша, Dubai Investments компаниясы денсаулық сақтау және білім саласындағы жобаларға қызығушылық білдірді, «JenaanInvestment» ауыл шаруашылығы саласындағы жеке компания Қазақстанда жылыжайлар салу жобаларын жүзеге асыру мүмкіндігін қарастыруды жоспарлап отыр, Сауд Арабиясының «AlFanar» компаниясы жаңартылатын энергия көздері және электр энергиясын өндіру жобаларына инвестиция салуға үлкен қызығушылық танытты
«Біз нарықты кеңейтуді және басқа нарықтарға шығуды жоспарлап отырмыз және қазір біз Қазақстанды инвестиция үшін мүмкін болатын елдердің бірі қарастырып отырмыз. Жақын арада біздің компаниямыз Қазақстанға келуді жоспарлап отыр», - деді жеке аурухананың және Lilavati (Үндістан) ғылыми-зерттеу орталығының сенімгер басқарушысы Прашант Мехта.
«еResolute компаниясы біздің аймақтық хаб құруды жоспарлап отырған Орталық Азия нарығына шығуға дайын. Қазақстан өзінің географиялық орналасуына және дамыған инфрақұрылымына, тартымды инвестициялық климатына және шетелдік инвесторларға ұсынылатын жеңілдіктерге байланысты біз үшін ең қолайлы компания бола алады», - деп атап өтті еResolute (БАӘ) негізін қалаушы және бас директоры Кашиф Ахмед Хан.
«Жаңа инвестициялық мүмкіндіктерді іздестіру - осы мақсатта біз AIM іс-шарасына қатыстық. Қазақстан павильоны бізге Қазақстанның инвестициялық ахуалы және Арнайы экономикалық аймақтар ұсынатын ынталандыру жөнінде көбірек білуге мүмкіндік берді. Біз міндетті түрде Қазақстанды болашақ бастамалар үшін қарастырамыз», - деді Duwaya Investment (БАӘ) компаниясының бас директоры Абдулхамид Дувая.
AIM Investment Award (RunnerUp) номинациясы бойынша марапат шетелдік инвестициялық қоғамдастықтың жоғары бағасының дәлелі болып табылады. Марапат Қазақстанның экономикалық өсуі мен дамуында үлкен рөл атқарған 2018 жылы тікелей шетел инвестицияларын елеулі түрде тартуға мүмкіндік берген компанияның халықаралық деңгейде танылуы мен табысын растайды. Атап айтқанда, 2018 жылдың ішінде тікелей шетелдік инвестициялардың жалпы ағыны 24,3 млрд. АҚШ долларын құрады, бұл 2017 жылға қарағанда 15,8% -ға артық.
Жыл сайынғы Annual Investment Meeting (AIM) Инвестициялық Форумы Дубайда (Біріккен Араб Әмірліктері) 2019 жылғы 8-10 сәуір аралығында өтті. AIM - БАӘ Экономика министрлігі ұйымдастырған және шейх Мұхаммед ибн Рашид Әл Мактум, эмир Дубая, БАӘ-нің Премьер-Министрі және вице-президенті бастаған ірі инвестициялық іс-шара. AIM іс-шарасына тұрақты инвестициялық әріптестік үшін бизнес пен елдерді біріктіру мақсатында әлемнің 143 елінен 20 000-нан астам келушілер жиналады.