Қазақстанда алғаш рет elicense.kz порталы арқылы инвестициялық келісімшарт жасалды
Мемлекеттік қызметтерді цифрлық форматқа ауыстыру бойынша ауқымды жұмыстар аясында онлайн-форматта «Инвестицияларды тарту және инвестициялық преференциялар ұсынатын инвестициялық жобаны іске асыруға инвестициялық келісімшарт жасасу» мемлекеттік қызметін ұсыну ұйымдастырылды.
Мемлекет басшысы Қасым-Жомарт Тоқаевтың жуырда сөйлеген сөзінде бизнес пен мемлекет арасындағы байланыс толығымен цифрлық форматқа ауысады және контактісіз болатындығын, бұл үшін мемлекеттік қызметтер мен қолдау шараларын цифрландыру процестерінің аяқталатындығын айтып өтті. Сонымен, «Ұлттық ақпараттық технологиялар» АҚ Қазақстан Республикасының сыртқы істер министрлігімен бірлесіп іске асыратын elicense.kz порталындағы «Инвестицияларды тарту және инвестициялық преференциялар ұсынатын инвестициялық жобаны іске асыруға инвестициялық келісімшарт жасасу» мемлекеттік қызметін автоматтандыру инвесторларға бизнес-процестерді оңтайландыруға мүмкіндік беретін жаңа құрал болды. Келісімшарттардың бұл түрлеріне: натуралық грант беру және кедендік преференциялар алуға салықтық және кедендік жеңілдіктермен инвестициялық басым келісімшарт жатады.
«ҰАТ» АҚ әзірлеушілері атап өткендей, онлайн форматта инвестициялық келісім-шарттар жасасуға техникалық мүмкіндік жасау бірқатар өзгерістерді талап етеді. Оларға өтініштер беру процесін және оны келісуді жеңілдету, мемлекет пен бизнес-қоғамдастықтың тиімді өзара әрекеттестігін қамтамасыз етуге мүмкіндік беретін лицензиялау процестерін, рұқсат құжаттарын автоматтандыру кіреді.
Сонымен қатар, қызметті онлайн режимге көшіру уәкілетті орган мен инвестор арасындағы байланыстарды азайтуға мүмкіндік береді және уақытты қысқартады. Сондай-ақ, қызмет көрсету мерзімі қысқартылды: бүгінгі таңда ол 27 жұмыс күнін құрайды. Пайдаланушы интерфейсі қызметтерді автоматтандыруға қойылатын талаптарды ескере отырып жасалған – қызметтерді алу қолайлылығы және мемлекеттік органдарға өз бетімен жүгіну қажеттілігін азайту. Ведомствоаралық интеграция нәтижесінде Қазақстан Республикасы Қаржы министрлігінің Мемлекеттік кірістер комитеті, Қазақстан Республикасының Ауыл шаруашылығы министрлігі, жобаны іске асыру орнындағы жергілікті атқарушы органдар және т.б. арасында автоматты режимде өзара іс-қимыл қамтамасыз етіледі.
Сонымен бірге, мұндай қызметтерге қол жетімділік және рәсімдерді жеңілдету Қазақстанның инвесторлар үшін тағы бір бәсекелестік артықшылығы болмақ.
Elicense.kz порталы арқылы онлайн-режимде жасалған алғашқы инвестициялық келісім-шартқа қатысты: келісімшарт Қарағанды облысының аумағында қуаттылығы 26 МВт 5 млрд теңгеден артық сомаға ЖЭК саласында «Solarnet Investment GmbH» неміс компаниясымен бірлесе отырып жүзеге асыратын «КазСолар 50» компаниясымен жасалды.