ШҚО-да ирандық инвестор «Халал» стандарттары бойынша ет өңдеу комбинатын салады
«KazakhInvest» қолдауымен ирандық инвестор «Өндіріс» Индустриялық аумағында Шығыс Қазақстан облысының Семей қ. «Халал» стандартын қолданумен, кейінгі терең қайта өңдеумен, ет комбинатын салу бойынша жобаны іске асыруға инвестициялық келісімшарт жасады.
«Agro Portal» компанияның бас директоры Амир Шекарчи инвестицияларды жүзеге асыруды және Қазақстан Республикасы Инвестициялар және даму министрлігінің Инвестициялар комитетімен бірге инвестициялық преференцияларды ұсынуды қарастыратын инвестициялық жобаларды іске асыруға Инвестициялық келісімшарт жасады.
Жобаға шетел инвестицияларының көлемі шамамен 7 млрд теңге құрайтындығы жоспарланады. Шығыс-Қазақстан облысында етті қайта өңдеу комбинатын салу 2018 жылы басталады.
«Қазақстанда шетел инвесторлары үшін жағымды инвестициялық климат жасалған. Өңірлік деңгейде біз «Kazakh Invest» ҰК» АҚ өкілдерімен және біздің жобаға жан-жақты қолдау көрсететін Шығыс-Қазақстан облысының әкімдігімен тығыз жұмыс істейміз. «Өндіріс» аумағындағы ет комбинатында заманауи, қалдықсыз өндірістік желілер орнатылатын болады. Зауытта шамамен 250 адам жұмыс істейтін болады», – деді «Agro Portal» бас директоры Амир Шекарчи.
Ет комбинатында тәулігіне ұсақ қара малдың 2 мыңға дейін басы және ірі қара малдың 400 басы қайта өңделетіні күтілуде.
Осы өндіріс көбінесе экспорттық-бағытты – 90 пайызға дейін өнім Иран Ислам Республикасына жіберілетін болады.
«Kazakh Invest» өз қызметін етті қайта өңдеу зауытын слау бойынша осы жобаны іске асыруда қолдау көрсету бойынша өз қызметін жалғастырады. Күн тәртібінде – кеден және салық преференцияларын алу, субсидиялау мәселелері, сондай-ақ, визалық қолдау», – деді ШҚО «Kazakh Invest» өңірлік директоры Мадина Байсалбаева.
Ирандық инвестордың шақыруы бойынша Шығыс Қазақстан облысының делегациясы облыс әкімінің орынбасары Шалқар Байбековтың басқаруымен «Kazakh Invest» қолдауымен Иранға келеді. 2018 жылы қаңтардың екінші декадасында болатын сапар барысында бордақылау алаңшалары мен сүтті-тауарлық фермаларға келу және жұмысымен танысу; ауылшаруашылық жабдық өндірушілерімен; қазақстандық ет өнімдерінің импортына қызығушылық танытқан серіктестермен; сондай-ақ АӨК саласында бір қатар келешекке арналған жобалар ұсынылатын әлеуетті инвесторлармен кездесу жоспарланған.
2018-2022 жылдарға арналған Ұлттық инвестициялық стратегиясында агроөнеркәсіптік кешен тура шетел инвестицияларды тарту үшін басым салалардың бірі ретінде анықталды. Қазақстанда тура инвестициялардың ауыл шаруашылығындағы жаппай ағымы 2015 жыл –2017 жылдың 9 айында 135,2 млн АҚШ долларды құрады.