Денсаулық сақтау саласына МЖӘ түтігін енгізу инфрақұрылымды дамытуға жағдай жасауға мүмкіндік береді
Бүгінгі күнге әр түрлі өңірлерде 9 денсаулық сақтау объектісі сенімгерлікпен басқаруға берілді. Азия даму банкі Қазақстан медицинасында 4 МЖӘ жобасын іске асыруды қолдайды. Бұл туралы ҚР Үкіметі мәжілісінің қорытындысы бойынша баспасөз конференциясы барысында Денсаулық сақтау министрі Елжан Біртанов хабарлады.
«Қазір денсаулық саласына жекеше инвестицияларды тарту маңызды. Себебі денсаулық сақтау – инвестицияларды үнемі қажет ететін сала», - деп Елжан Біртанов атап айтты.
Солай, денсаулық сақтау объектілерін белсенді салуға және жыл сайын салаға бюджеттік қаражат түсімдерінің өсуіне қарамастан, ҚР денсаулық сақтау секторында инфрақұрылымдық тапшылық сол қалпы жоғары болып табылады.
60%-дан артық денсаулық сақтау ұйымдары пайдалануға берген сәттен бастап, 30 жылдан артық пайдалану мерзімі бар үй-жайларда орналасқан, олардың жартысына жуық типтік емес ғимараттарда орналасады, көпшілігін денсаулық сақтау ұйымдары қажетті жабдықпен қамтамасыз етілмеген. Министрдің айтуы бойынша, осындай жағдай ескірген ғимараттарды пайдалануға қаражаттың тиімсіз қолдануына, ауруханаларды басқарудың шығындарына, заманауи технологияларды енгізудің төмен қарқынына әкеледі, нәтижесінде көрсетілетін қызметтердің сапасына ықпал етеді.
Инфрақұрылымда дамыту және медициналық салада заманауи технологияларды тарту қажеттілігі едәуір бюджеттік шығындарды қажет етеді. Осы жағдайда МЖӘ қажетті қаражатты тартудың негізгі құралы болады.
Денсаулық сақтау министрлігі әкімдіктермен бірлесіп, жекеше инвесторларға ұсынылатын салуға, жекешелендіруге және сенімгерлікпен басқаруға арналған объектілердің тізбесін құрады. Инвесторлардың назарына екі бағыт ұсынылады. Бірінші бағыт шеңберінде жекеше инвестор меншікті қаражат есебінен денсаулық сақтау объектілерін салады, ұзақ мерзімді келісімшарт негізінде өзінің шығындарын өтейді және пайдалану мерзімі ішінде қызметке байланысты табыс алады. Екінші бағыт бойынша инвестициялық жүктемені азайту үшін Денсаулық сақтау министрлігі осы ұйымдар қызметі сапасының өлшемшарттарына қарап, қолданыстағы, бірақ тиімділігі төмен мемлекеттік объектілерді басқаруға алуды ұсынады. Екі бағыт бойынша жергілікті атқарушы органдар белсенді түрде қызмет етуде. Әр түрлі өңірлерде 9 объект басқаруға берілді.
«Жекеше сектордың күрделі жөндеуге, қайта жабдықтауға, санитарлық көлікті сатып алуға инвестициялау мүмкіндігі және қызмет етуге анағұрлым жоғары уәждемесі бар деп есептейміз. Себебі бүгінгі қаржыландыру түпкілікті нәтиже негізінде жүргізіледі. Сондай-ақ болашақта МӘМС жүйесі де түпкілікті нәтиже бойынша бағаланатын болады», - дейді министр.
Азия Даму банкімен емханалық көмек саласында МЖӘ бойынша 4 пилоттық жобаны әзірлеу жөнінде келісімге қол қойылды. АДБ 2016 жылы пилоттық жобаларды әзірлеуге 200 мың АҚШ долларынан артық соманы бөлді. 2017 жылы банк осы салаға 500 мың АҚШ долларынан артық соманы бөлуге әзір.